Leev Jecke!

Am 05. März sammelt dr Bär widder de janze Daach em Dörp für ne joode Zweck.

Och dismol künnt Ihr uns wahrscheinlich schon vun wiggem hüre. Dat heich ävver nit, dat Ihr op die andere Stroßesick wääsele sullt. Kutt doch och dis Johr op uns zo un dot en paar Nüssele in unsere Sammelbüchs! Damit Ihr uns erkennt: luurt ens op dat Bildcher unger dem Verzäll he. Dat Foto es vum letzte Johr, mir han uns ävver nit schwer verändert.

Wie immer jilt: Wenn mir noch nie bei Üch woore, dann saat Bescheed. Wenn et die Zick zolöss, kumme mir vorbei. Ihr könnt natürlich och jet övverwiese, nemmt einfach dat Nümmerche IBAN DE07 3705 0299 3023 0315 74 und doot wat Ihr künnt.

Usjezällt wed wie immer ab 19 Uhr öffentlich, dismol bei dr Füerwehr. (nm)